Denne hausten har vore spesiell for oss. Først ein fargerik, hektisk og artig valkamp, deretter eit flott valresultat med representasjon i kommunestyra. Intense forhandlingar og politikaropplæring. No er vi på plass, og kan jobbe gjennom politiske verv, ikkje berre gjennom avisinnlegg og sosiale media. Dette skal feirast , og vi inviterer med dette til haustens sosiale MDG-arrangement.
Det er høve til å kjøpe seg god mat, menyen er kulinarisk.
Øyvind og Frida har lova å fortelje frå forhandlingar og første tida i kommunestyra. Dei vil orientere om kva saker som vert prioritert no i haust, og vil gjerne vite kva du synest er viktig å prioritere i 2016.
Ei sak som vi kan prate om er kommunesamanslåing eller ikkje. Og du må gjerne kome med innspel til MDG sitt neste program for perioden 2017-2021.
Først og fremst, dette er uformelt, ta med din grøne interesserte ven!
Velkomen, velkomen!
